ជំនួបទ្វេភាគីរវាងនាយករដ្ឋមន្រ្តីកម្ពុជា និងប៊ុលហ្គារី ពិភាក្សាផ្តោតលើទំនាក់ទំនងការទូត ជំរុញលើគ្រប់វិស័យ ជាពិសេសវិស័យសេដ្ឋកិច្ច ពាណិជ្ជកម្ម វិនិយោគ និងវិស័យអប់រំ

(ប៊ុលហ្គារី)៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងនាយករដ្ឋមន្ដ្រីប៊ុលហ្គារី លោក ប៊ួយកូ បូរីសូវ (Boyko Borissov) បានធ្វើសន្និសីទសារព័ត៌មានរួមគ្នាមួយ នៅវេលាម៉ោងជាង៤ល្ងាច (ម៉ោងនៅរាជធានីភ្នំពេញ) នាថ្ងៃទី១៦ ខែតុលា ឆ្នាំ២០១៩នេះ ដើម្បីបង្ហាញអំពីលទ្ធផល ក្រោយបញ្ចប់ជំនួបទ្វេភាគី។

ថ្លែងក្នុងឱកាសនោះ សម្ដេចតេជោ ហ៊ុន សែន បានលើកឡើងថា ការបំពេញទស្សនកិច្ចរបស់សម្ដេច នៅប្រទេសប៊ុលហ្គារីដែលលើកនេះ ជាលើកទី៥ហើយ បន្ទាប់ពីការបំពេញទស្សនកិច្ចលើកទី៤ នៅដើមទសវត្សរ៍ឆ្នាំ៨០។ សម្ដេចតេជោ នាយករដ្ឋមន្ដ្រី បានអះអាងទៀតថា ទំនាក់ទំនងរវាងកម្ពុជា និងប្រទេសប៊ុលហ្គារី រហូតមកដល់ពេលនេះ មានរយៈពេលប្រមាណ៦០ឆ្នាំហើយ។

ជាមួយគ្នានេះ សម្ដេចតេជោ ហ៊ុន សែន ក៏បានថ្លែងអំណរគុណ និងចាំមិនភ្លេចដល់រដ្ឋាភិបាលប៊ុលហ្គារ ដែលបានផ្តល់ជំនួយដល់កម្ពុជា ក្រោយរបបប្រល័យ ពូជសាសន៍ ប៉ុល ពត ហើយសម្ដេចក៏អរគុណដល់រដ្ឋាភិបាល និងប្រជាជនប៊ុលហ្ការី ដែលបានផ្តល់ជំនួយជាបន្ដបន្ទាប់មកកម្ពុជា។ បន្ថែមពីនេះ សម្ដេចតេជោ ហ៊ុន សែន ក៏បានចូលរួមរំលែកទុក្ខទាហានប៊ុលហ្ការី៣នាក់ ដែលបានបាត់បង់ជីវិត ក្នុងប្រតិបត្តិការនៅដើមទសវត្សរ៍ឆ្នាំ៩០។
=======
#Cambodia #HunSen #Peace #Development #Hungary #Bulgaria
Join Us : https://t.me/cambodiafirst